2008-05
1
乜世道
（下文皆广州话，对某D读者黎讲可能系鸡肠，请勿见怪，仅此一次。）
适逢五一国际劳动节，抒发下。乜世道啊？！有人无嘢做，有人有嘢做唔想做。有人手握N个offer，有人无揸拿，所以有人拣三拣四，有人继续到处撞墙。
女性比人歧视，独生子女比人歧视，矮比人歧视，个样唔够标致都比人歧视，点解，明明系天生喈嘢都要诸多挑剔。我地又唔系去选美，点解个个都要样靓身材正，人人都要有亲生兄弟姐妹呢？救命啊～～～ 中国向来都系重男轻女，虽然时代变左，不过讲到做工人，人地始终净系中意招男性。生啰，你米生啰，净系得男喈我睇你以后点揾老婆。1976之后就有左计划生育哩味嘢，人人理所当然应该响应号召，理解国家喈难处架啦，不过有人就系喜欢搞特殊。话说当时你生多个就违法，就要比人罚，如果老豆老母系国有单位喈仲要立即抄鱿添。唔通当年搏晒老命生多个喈而家就有着数？乜世道？！再讲番矮同唔够靓喈问题，圣母玛利亚啊！分明就系老豆老母基因喈问题，唔通个个都要去锯大髀增高，兼且去韩国整容？分明就无奶油啦。
有人口甜舌滑入左个好单位，不过距地从来都唔会知足，嫌三嫌四，扮晒鬼咁，话如果公司点点点距地就玩唔捞，从来都唔识得知足，从来都唔会尽力做好自己果份工，三心两意，花心萝卜咁，乜都唔林，就系挂住发梦某个亿万靓仔富婆养起自己，一世无忧，可以随时大花洒。对方都系想用好条件招个质素高D喈员工好好做嘢伞，点知招工果个知人口面不知心，咁就招作个废人，招工果个真系几无奈架。
世道皆如此，仲有乜好讲，哎～～～
呵，发发牢骚不犯法。
xrspook 对 落清 的回复: 2008-05-02 07:59:44
梗系啦。
加油，还是支持你！！
xrspook 对 落清 的回复: 2008-05-02 08:00:08
多谢晒喔。
嘿嘿 有意思 第一次看你 用广东话写博 我下个学期的选修课就是粤语 到时还请你 多多指教啊
xrspook 对 kevin 的回复: 2008-05-07 19:54:26
不敢当，你叫我说没问题，但叫我写就很有难度了。